كشفت الفنانة أمينة خليل العديد من الأمور الشخصية والخاصة عن حياتها، أثناء حلولها ضيفة على برنامج «طريق تالت»، وأكدت أن عائلتها لعبت دوراً كبيراً في بناء شخصيتها موضحة: «أهلى مسكوا إيدي في الطريق إللي اخترت أمشي فيه شخصيتي أو شغلي أو اختياراتي في الحياة ومفرضوش عليا طريق معين».واضافت قائلة: «بابا وماما حنينين ومتفتحين العقل وخلوني أنشأ في بيئة متفتحة التفكير، ومهتمين جداً بتعليمي والبيت يبقى كويس وسعيد على قد ما يقدروا.. ودعموني جداً لما قررت أبقى ممثلة، رغم الضغوط من أفراد تانية من العيلة لإنه مكنش قرار سهل بس دلوقتي الموضوع بقى متقبل أكتر».وعن علاقتها بأصدقائها، قالت أمينة خليل: «الأصدقاء بياخدوا حيز كبير جداً من حياة أي بنت سواء بنات أو شباب.. في أصدقاء مهمين جداً مع نجاحي عمرهم ما غيروا طريقتهم معايا.. ولا حسيت أن في استغلال للنجاح بتاعي».وقالت أمينة خليل: «هناك أشخاص اتغيروا معايا وظهروا على حقيقتهم وعيطت بدل الدموع دم كتير لأني حاسة إني اتخذلت وأنا كنت بحبهم أوي».وأشارت أمينة إلى أنها تحاول دائماً عدم التأثر بما تمر به من صدمات حياتية وقالت: «بحاول لما اكتشف الحقيقة مقلبش إنسانة خوافة وعيني في وسط راسي وأعمل ألف حساب لأي شخص».وكشفت أمينة خليل عن أقرب شخصية لها قائلة: «دكتورة ليلى سعد هي أمي الروحية وصديقتي جداً وبتتفرج على كل أفلامي ومسلسلاتي وعارفة كل حاجة في حياتي كانت بتدرس لي تمثيل وحببتني في الفن».أما عن مسلسلها المفضل، أوضحت: بحب مسلسل عائلة الحاج متولي وكنت عاوزه أعمل أدوار كل الستات وكنت بتفرج عليه وبقول عاوزة أبقى زي غادة عبدالرازق.. واتفرجت عليه عشرين مليون مرة.وتحدثت أمينة عن الدور الذي قدمته ومقرب لها، قائلة: «كل الأدوار إللي عملتها بحبها وأثرت فيا بس نازلي في جراند أوتيل كان طفرة في حياتي.. كان في روح موجودة في المسلسل ده مش هتتعوض وكنا كلنا صغيرين أوي».
عن المؤلف
المنشورات ذات الصلة
تابعنا
المتواحدون حاليا
المتواجدون حاليا – 1828
الزوار – 1735
عناكب جوجل – 93