محمد المجبل
عطر عود البخور انته
ورماده اني
ياهو المات للثاني
عليه الغيره تتمرد
يوجه الخير لا تطلع
كلشي تريده تلگاني
انته بكلشي تشبهني
حته بطبعي وافكاري
عليه تلوگ هنيالي
هذا انه العراق
وطولك انهاري
اشگگها القصيده
الما تسولفلك .. يل بلياك
ماكو لذه بشعاري
بياض الخرزه بعيونك ثلچ زمزم
ينادر حيل بوصافك
ولا جابت مثلك طرواك ديرتنه
عشگتك بس عشگ
ماصار لبحلنه
انه وگلبي اعله حبك
جن صراط .. وياك ماملنه
غيرك ما ترس گلبي
لذيذ انته يشرگاطي
تذكرني بمزارعنه
ونبع في الضحى
وهبة نسيم المي على الشاطي
انته الكشخه بعيوني
وچلب بيك .. تجلوبة
علگ ملفوف بگماطي
يمن گلبك عشگ گلبي
بطلاع الروح
ظل يمي العمر بي داس
يكشخة عمري يامزيون ..
يامن بيك انا اتباهبت
گدام الأهل والناس