وفاء الخفاجي
حزن بعيوني ليل البيده مصباح
تشوفه الوادم الكلش بعيدة
نمت وانه ادري كل احلامي تنباك
كلت اخسر اذا اواجه وحيدة
خوفي الما مبين .. جان موجود
خوف الحارس اليقره بجريدة
وبطلت اشكي همي لاقرب الناس
من جربت اصادقهه القصيدة
هواي اتعب كمت من احجي بالراح
هواي اضحك جنت بس مو سعيدة
الطريقة التحترك بيهه المحاصيل
مثلهه ايغير الحب التزيدة
انه لو ادري هيج العشرة مااضيع
سهم غابة احط اويه الاريدة
انه ضليت .. ذاك العنده مرسال
اذا متعيش كلهه براسك تعيش
ناسك هسه والناس الجديدة
اكثر شي صعب بيهه اللقاءات
الشوك اليختفي بعين التريدة
بعد ماافتح اويه الماضي كل باب
ولا احجي بمشاعر مو اكيدة
الليل الما انامه من الوجع جان
ليل التاجر اليخسر رصيدة
ما عبالي مشهد يبقى الفراك
ومو يوم وتفض يومية اعيدة
واثر تتركلي ما ادري النهايات
مريض وابره تنجر من وريدة