احمد الامين
شلال الدمع خرب حجي المرسال
وانتَ تريد مني استرسل بخطة
يا باب الهجر ؟ يا ذلة يا نسيان
اكلة انة بقميصك كاعد اتغطة
على عيوني الصور هدن سرب حذاف
وضواهن والدمع طشيتهن حنطة
رجف طولي اعلى بابك رجفة الحواف
اذا طاحن غراضة بقمة الصنطة
وصرخ صوتي وبجيتك جن طفل ممتون
من اثنين اديه وعاجر تكمطة
اختلفنة اثنينة وما طلع راس الصوج
وياك بكلهن وما اكلك اتخطة
بس مال اعتنيك بجنطة مال اعذار
وتردني بماي وجهي محمل الجنطة
لا نوكف هنانة بجعبة استفهام
وكدام السوالف حط الف نقطة
ولك انة اعلى فكدك ما جرعني الليل
بواجي ومن رحت لو تعرف الورطة
حِب .. وما كمت جبت العمر مشيول
وكلما يصفة بالي عيونك اتخبطة
نصيحة وللزمن خاف الك نية تعود
اخافن ماي كصتك ينتفض شطة
من باب الزعل .. باب الصلح مفتوح
من باب العشك لا تنحسب غلطة