يبدو أن عودة الفنانة حلا شيحة، إلى مجال الفن من جديد تسبب في انقسامات بين الفنانات، إذ رفضت الفنانة سارة نخلة عودة شيحة لممارسة عملها الفني، قبل أن تأخذ استراحة لا تقل عن ثلاث سنوات تقضيها تحت إشراف طبيب نفسي، لتحدد على وجه الدقة موقفها من الفن.
وعبر البرنامج الذي تقدمه من خلال قناة «هي» قالت سارة نخلة: «حلا إنسانة جميلة جداً وعاطفية جداً وأنا بحبها جداً.. الناس مش عايزينها ترجع عشان هي فقدت مصداقيتها، الناس إزاي هتثق فيها، إزاي المنتج هيجي يديكي ورق ويبقى خايف إنك في نص التصوير تقولي معلش أنا اتحجبت، لأن انتي كده هتكوني بتضربي أوردر وبتأثري على زمايلك.. ناس كتير قوي علقوا على النقطة دي».
وتابعت: «أنا نصيحتي لـ حلا إن أنا كان عندي مشاكل نفسية لجأت لدكتور نفسي وده مش عيب ومش غلط.. أنا بنصحها إن هي تروح لحد تتكلم معاه ممكن يساعدها».
وأضافت: «أكيد أهلا بعودة حلا شيحة، وأكيد أنا بحبها، ولكن مش على طول مش كل ما تقول عايزة أرجع هنقول يا أهلا ويا مرحبا، ولما تكون عايزة تحلل وتحرم على مزاجها نتجنبها.. قبل ما ترجع للفن لازم تقعد مع نفسها سنة سنتين تلاتة أربعة، أقل حاجة تفكر مع نفسها مش عشان أنا قلعت الحجاب فعايزة أرجع للفن أشغل نفسي».
