حميدة بن ساسي
مدّيت ليك قلبي جمايع
وعمري قطايف… هذا الوصل قديم
وعدّيت ليك غدرك هذي وجايع
وجمعت فنّي باقة ورد غنيم
ضرب المحبّة تعمل فيك سوايع
نيران شاعلة سلطانها ع الميم
ونغنّي معاك على الشّفر قطايع
وزناتها م الزّهر عشق حميم
و عيون تلاحقنا يا خليل شفايع
وع الجبين ترى مرسوم ذميم
يا ولفتي ليك معايا ألفين خدايع
قالها وسط حكايا كذبو زعيم
في القلب ماعندوش حتى لوايع
يربح ومرايتو عصيان زميم
وقت العمر يمضي ڨداش قمايع
نوّار يذبل والزّمن وحشو غريم
واش الدّموع أنهار م العين فجايع
وطار من يومها هاك التّصميم
يا خليلتي كان يقولها في السرّ الضّايع
بان الصّواب يا ربّي أنت عليم
قدرك عالي في الشّدّة وحسابك جمايع
هذا زمان تتباع فيه وأنت قديم
رسالتك يا حليلي في المضمون ودايع
نجمة ضوّاية في سطر الغيم…
